జనం మెచ్చిన రాజు – Part 4

జనం మెచ్చిన రాజు – Part 4
దారి మరలిన వందల దున్నపోతులు దూలాలతో నిర్మించిన కంచెను సైతం పడగొట్టి దూసుకుపోతున్నాయి . పశువులన్నీ లోయవైపుకు వెళ్లిపోతున్నాయి ఎవరైనా కాపాడండి అంటూ కేకలువినిపిస్తున్నాయి . వెంటనే విల్లుని వెనుకవేసుకుని జాగ్రత్త అంటూ అమ్మాయి చేతిలోని ఎర్రని గుడ్డను అందుకుని కృష్ణా అంటూ ఎగిరి దున్నపోతులవైపుకు వేగంగా వెళ్ళాను – నావెనుకే జనమంతా పరుగులుతీశారు . పశువులు లోయవైపుకు వెళ్లకుండా బాణాలు వేస్తున్నా ప్రయోజనం లేకపోయింది . రాత్రిపూట జనాలకు అపాయమైన లోయ ఉందని తెలుసుకోవడానికి రగిలించిన అగ్నిగోళంలో గుడ్డకు అంటించుకుని , కృష్ణా ఊ …… అంటూ దున్నపోతులకంటే ముందుకు వేగంగా వెళ్లి లోయ వెంబడి పెరిగిన గడ్డిని అంటించడం – మధమెక్కిన దున్నపోతులకు దిసానిర్ధేశం చేస్తున్న దున్నపోతు అగ్నిని చూయించడంతో మరొకవైపుకు తరిలాయి – లోయ వెంబడే కిందకు తీసుకెళ్లి లోయలో ప్రాహిస్తున్న నదీ ప్రవాహంలోకి చేర్చడంతో శాంతించాయి . అధిచూసిన జనాలంతా పైనుండి జయజయనాదాలు చేస్తున్నారు . సంతోషంతో కేకలువేస్తూ కిందకువస్తున్నారు . కృష్ణా …… సాధించాము సాధించాము అంటూ ముద్దుపెట్టాను . అవునూ …… మన పని పూర్తయ్యేంతవరకూ ఎవరి దృష్టిలో పడకూడదు ఇక్కడికి ఆ రాజ్యం దగ్గరే కదా అనుకుని ప్రవాహం దాటుకుని అటువైపు అరణ్యంలోకి వెళ్లిపోయాము . ( జనాలతోపాటు లోయ దగ్గరికి చేరుకున్న ఆ అమ్మాయి , నేను వెళ్లిపోవడం చూసి తన స్నేహితుల గుండెలపైకి చేరింది . మహీ …… ఎలాంటి బహుమతి ఆశించని వీరాధివీరుడు అంటూ ఓదార్చారు – మహీ …… అందరూ నీకోసమే వస్తున్నారు పదా వెళదాము అంటూ తీసుకెళ్లారు . ఆ అమ్మాయి మాత్రం పదే పదే వెనక్కు చూస్తూనే వెళ్ళింది ) . చీకటి పడేంతవరకూ అరణ్యంలోనే సేదతీరాము – వొళ్ళంతా ఏదో తెలియని మాధుర్యం నాపెదాలపై తియ్యదనాన్ని కలిగిస్తోంది . సమయం వేగంగా గడిచిపోయింది – కృష్ణ అయితే నావైపు కాస్త తేడాతో చూస్తున్నాడు . అవును నిజమే వొళ్ళంతా వేడిగా ఉంది . క్షణక్షణానికీ పెరుగుతూనే ఉండటంతో చల్లని కొలనులోకి చేరి వేడిని చల్లార్చుకున్నాను కానీ కలుగుతున్న మాధుర్యానికి ఆనందం రెట్టింపవుతూనే ఉంది , నీళ్ళల్లోనుండి బయటకురాగానే మళ్లీ వేడి ….. ప్చ్ ఏమైందో ఏమో ……. కృష్ణమాత్రం అధోవిధంగా నావైపు చూస్తున్నాడు . బట్టలు మార్చుకుని , నన్ను గుర్తుపట్టకుండా తలపై ముసుగు మరియు కృష్ణను గుర్తుపట్టకుండా కొన్ని మార్పులు చేసుకుని , ప్రవాహం గుండా అమ్మవారి జాతరకు చేరుకున్నాము . మధ్యాహ్నం బామ్మ చెప్పినట్లు ఇసుకేస్తే రాలనంత జనంతో జాతర అంగరంగవైభవంతో జరుగుతోంది – జనాలంతా నా వీరత్వం గురించే గొప్పలు గొప్పలుగా చెప్పుకుంటున్నారు . కృష్ణ ఆనందాలకైతే అవధులులేవు . జనాలతోపాటు గుడిలోపలికివెళ్లి అద్భుతంగా అలంకరించిన అమ్మవారి దర్శనం చేసుకుని బయటకువచ్చాను . ఈసారి మొత్తం ప్రసాదాన్ని కృష్ణకే తినిపించాను , నా కళ్ళు – మనసు మాత్రం ఎవరికోసమో ఆశగా వెతకడం నాకే ఆశ్చర్యం వేసింది . మరింత ఆశ్చర్యం ……. ఎదురుగా నన్నుకూడా రెండు కళ్ళు జాతర మొత్తం వెతుకుతున్నాయి . మధ్యాహ్నం రక్షించిన అమ్మాయి ముఖంపై ముసుగుతో చుట్టూ అమ్మాయిలతో నాకంటే ఘాడంగా నాకోసం వెతుకుతున్నట్లు తెలిసిపోతోంది . ఆ క్షణం కలిగిన ఆనందం …… ఆఅహ్హ్హ్ …… తాళపత్ర గ్రంథాలలో వివరించిన స్వచ్ఛమైన ప్రేమ అంటే ఇదేనేమో అనిపించి పులకించిపోతున్నాను – వొళ్ళంతా వేడి తాపాలు అంతకంతకూ పెరిగిపోతున్నాయి . కృష్ణ ……. ఆమె వైపుకు నన్ను తోసాడు – నాకు తెలియకుండానే అడుగులు అమ్మాయివైపుకు కదులుతున్నాయి . ఒక్కసారిగా జాతరలో తప్పెట్లు మ్రోగడంతో అమ్మాయి మైకం నుండి స్పృహలోకొచ్చాను . లేదు లేదు మన గమ్యం వేరు కృష్ణా …… అంటూ అమ్మాయివైపు చూస్తూనే వెనక్కు అడుగులువేశాను , కృష్ణా …… మన ఇద్దరినీ ఓకదగ్గర చూశారంటే కనిపెట్టేస్తారు నేను ఇటు – నువ్వు అటు అన్నాను . కృష్ణకు కోపం వచ్చినట్లు నన్ను తోసేసి వెళ్ళిపోయాడు . ఆ అమ్మాయినుండి అడుగులు మాత్రం దూరంగా పడటం లేదు , నేను వద్దంటున్నా మనసు – కళ్ళు మాత్రం వెనుకే వెళ్ళమని గోల చేస్తున్నాయి , అడుగులు కూడా ఆమె వెనుకే పడుతున్నాయి . జాతర మొత్తం నాగురించే వెతకడం – వాళ్ళ స్నేహితులతో నాగురించే మాట్లాడుతూ కనిపించకపోయేసరికి బాధపడుతుండటం చూస్తూ పొందిన ఆనందం ఇంతవరకూ కలగని మధురానిభూతిని కలిగిస్తోంది . ఒప్పు – తప్పు అన్న భావనాలతో సతమతమైపోతున్నాను , చివరికి తప్పుగానే నిర్ణయించుకుని కష్టమైనా దూరంగా వచ్చేసాను – ఆమె మాత్రం ఆపకుండా మళ్లీ మళ్లీ తిరుగుతూ వెతుకుతూనే ఉంది . జాతర పూర్తయ్యేంతవరకూ ఉండి అందరితోపాటు జాతరలో వడ్డించిన ఆహారం స్వీకరించి , వెనక్కు తిరిగి తిరిగి చూస్తూనే ( అందరూ వెళ్లిపోతున్నా ఆ అమ్మాయిమాత్రం బాధతో ఆశతో ఇంకా వెతుతూనే ఉండటం ) భారమైన హృదయంతో వచ్చేసాను . నేను చేసినది ఏమాత్రం ఇష్టం లేనట్లు కృష్ణ అలకతో ముందు ముందుకు వెళ్ళిపోతున్నాడు . పరుగున ప్రక్కకువెళ్లి , నీకే అలా ఉంటే నాకింకెలా ఉంటుందో అర్థం చేసుకో కృష్ణా …… , ఆ అమ్మాయి నుండి దూరంగా వెళుతున్నకొద్దీ లోలోపల ఎంత బాధపడ్డానో ……. , గురువుగారి కోరిక తీర్చడమే మన ఏకైక కర్తవ్యం నన్ను మన్నించు అంటూ మధ్యాహ్నం సేదతీరిన ప్రదేశానికి చేరుకుని ఏమాత్రం ఆలస్యం చెయ్యకుండా చల్లని నీళ్ళల్లోకి చేరిపోయాను . ఇంతటి మధురమైన విరహతాపం ఉంచుకుని చాలాపెద్ద తప్పు చేస్తున్నావు అంటూ కృష్ణ నావైపే చూస్తున్నాడు . నావల్ల కూడా కావడం లేదు కృష్ణా …… , కళ్ళు – మనసు నిండా ఆమెనే అందుకే గంగమ్మ ఒడిలోకి చేరాను – అమ్మకూడా నీలానే గుర్రుగా ఉన్నట్లున్నారు – తాపం చల్లార్చడం లేదు , నేనే తప్పుచేస్తున్నానా …… ? లేదు లేదు నాకు గురువుగారి మాటే ముఖ్యం – అమ్మా మన్నించు అంటూ తనివితీరా అమ్మ ఒడిలో సేదతీరి అలసిపోయినట్లు కృష్ణపై తలవాల్చి కళ్ళు మూసుకున్నాను . కళ్ళు మూసినా తెరిచినా కనులముందు ఆ అమ్మాయి ……. వొళ్ళంతా వేడి సెగలు , ఏమైందిరా నీకు …… ఒక్కసారి స్పర్శకే ఇలా అయిపోతే ఎలా …… మరి జీవితంలో తొలిసారి అమ్మాయి స్పర్శ …… , ” మహీ ” …… ఆఅహ్హ్హ్ పేరు తలుచుకుంటేనే పెదాలపై అందమైన నవ్వులు – వొళ్ళంతా తియ్యదనం . తప్పు తప్పు పరాయి అమ్మాయిని కలవరించడం – పేరుతో పిలవడం ……. అయినా ఆ పేరులో ” మహి ” ఆఅహ్హ్ …… ఏదో మాయ ఉంది . ” మహేష్ – మహి ” …… అంటూ నా మనసులోనుండి వచ్చిందా లేక అరణ్యం నుండి వినిపించిందా అన్నట్లు ఆశ్చర్యంతో లేచి చూసాను . అక్కడక్కడ కిలకిలారావాలు తప్ప అరణ్యం నిర్మానుష్యంగా అనిపించింది – ఆ పిలుపుకే వొళ్ళంతా తియ్యనైన జలదరింపులు మరొకవైపు వేడిసెగలు ……. ఆ వేడిసెగలు …… కృష్ణను తాకినట్లు నన్ను తోసేసి దూరంగా వెళ్లి వాలిపోయింది . నవ్వుకుని ఇక నావల్ల కూడా కాక గంగమ్మ ఒడిలోకి చేరిపోయాను . ఆఅహ్హ్ …… చల్లగా హాయిగా ఉంది – పద్దెనిమిదేళ్ల తరువాత మొదటిసారి అమ్మాయి స్పర్శ కదా విలవిలలాడిపోతున్నాను , అమ్మా …… మీకు అభ్యంతరం లేకుంటే ఈ పూటకు మీ ఒడిలోనే విశ్రమిస్తాను . అమ్మకు అంతకంటే ఆనందమా అన్నట్లు నాపైకి అలలు ఎగిసాయి . మా గంగమ్మకు …… నేనంటే చాలా ఇష్టం అంటూ నీటి ఉపరితలంపై తేలుతూ నిద్రపోయాను . ఒకవైపు మహి వలన తియ్యనైన వేడిసెగలు – ఆ వెంటనే అమ్మ చల్లదనం ……. నిద్రలోనే చిరునవ్వులు చిందిస్తూ హాయిగా నిద్రపోయాను . ముఖంపై నీళ్లు పడటంతో ఉలిక్కిపడి లేచాను . ఎదురుగా వొడ్డుపై కృష్ణ …… శుభోదయం మిత్రమా …….. తల ఊపి , తూర్పు వైపు సైగచేశాడు .

సూర్యోదయ సమయం అంటూ సూర్య నమస్కారం చేసుకున్నాను – స్నానమాచరించి ఒడ్డుకు చేరాను – సమయానికి లేపావు మిత్రమా …… లేకపోయుంటే సూర్యదేవుడు నడి నెత్తిన వచ్చేన్తవరకూ లేచేవాడిని కాదేమో , అమ్మ ఒడిలో హాయిగా నిద్రపట్టేసింది – అమ్మ వలన మాత్రమే కాదనుకో అంటూ సిగ్గుపడ్డాను . కృష్ణ సంతోషంతో చిందులువేస్తున్నాడు . లేదు లేదు తప్పు తప్పు ….. ఇక మహి కాదు కాదు ఆ అమ్మాయి గురించి ఆలోచనే చెయ్యను – అయినా నా మనసు మహి విషయంలో నా మాట వినటమే మరిచిపోయింది – ఆఅహ్హ్ …… ఆ మధురాతిమధురమైన స్పర్శ …… వద్దు వద్దు ఆలోచించకు మహేష్ అంటూ లెంపలేసుకున్నాను . కృష్ణకు మళ్లీ కోపం వచ్చేసింది . కృష్ణకు కూడా గురువుగారి మాటంటేనే వేదం అయినాకూడా మహికి మద్దుతు ఇస్తుండటం ఆశ్చర్యాన్ని కలిగిస్తోంది – ఇక నా మనసు అయితే సరేసరి ……. మనసు మాటే విను మిత్రమా అన్నట్లు నా కళ్ళల్లోకే చూస్తున్నాడు కృష్ణ …… నాకు గురువుగారు ఉపదేశించిన కర్తవ్యం తప్ప మరేదానిపై ఆశ లేదు – బయలుదేరాలి మిత్రమా …… మధ్యాహ్నం లోపు చేరుకోవాల్సిన రాజ్యానికి చేరుకుని , స్వయంవరం రోజుకు పోటీలో పాల్గొనేలా పన్నాగం పన్నాలి – రాత్రికి మళ్లీ ఇక్కడికే వచ్చి విశ్రాంతి తీసుకోవాలి – స్వయంవరానికి ఇక వారం రోజులు మాత్రమే గడువుంది – గురువుగారి ఆశీర్వాదం ఉంటే ఆ మాత్రం రోజులు చాలు అంటూ నడక సాగించాము . నిన్న భక్తులతో కిటకిటలాడిన జాతర ప్రదేశం కొద్దిమంది భక్తులతో ప్రశాంతంగా ఉంది , మరొకసారి అమ్మవారి దర్శనం చేసుకుని సామంత రాజ్యం దాటుకుని , ఒకవైపు కొండ మరొకవైపు లోయ గల దారి వెంబడి పళ్ళు తింటూ కృష్ణకు తినిపిస్తూ ప్రయాణం సాగించాము – చాలాదూరం లోయప్రక్కనే ప్రయాణం …… ఒక్కసారిగా భయంకరంగా కేకలు అరుపులు …… కృష్ణా అంటూ కృష్ణపైకెక్కి కేకలవైపుకు వేగంగా పోనిచ్చాను . అంతలోనే కాపాడండి రక్షించండి అంటూ అమ్మాయిల అరుపులు వినిపిస్తున్నాయి. భీకరమైన లోయగల చిన్న దారి గుండా మరింత వేగంతో పోనిచ్చాను . దారి వెంబడి పాతిక మందిదాకా సైనికులను చావుబ్రతుకులమధ్యన చెట్లకు కట్టేసి ఉన్నారు . మళ్లీ అమ్మాయిల భయపడిపోతున్న కేకలు ……. , అటువైపుగా పోనిచ్చాను . దూరంగా కొంతమంది కాదు చాలామంది అమ్మాయిలను బంధించినట్లు తాళ్లతో కట్టేసి కొండపైకి లాక్కుని వెళుతున్నారు . దారిలో మరికొంతమంది భటులు రక్తంతో విలవిలలాడుతున్నారు . ఇంతమంది సైనికుల ప్రాణాలకు అపాయం కలిగించి వదలండి వదలండి అంటూ ప్రాధేయపడుతున్న అభం శుభం తెలియని అమ్మాయిలను లాక్కుని వెళుతున్నారు అంటే ఖచ్చితంగా రాక్షసుల్లాంటి మనుషులే ……. విల్లు అందుకుని ఆ రాక్షసుల పాదాలపై బాణాల వర్షం కురిపించాను . నొప్పితో కేకలువేస్తూ నేల కోరుగుతున్నారు . వారి దగ్గరకు చేరుకుని కత్తి తీసి ప్రాణాలకు అపాయం కాకుండా నిలబడటానికి రానట్లు దాడి చేస్తూ ముందుకు దూసుకుపోతున్నాను . ఒకవైపు బాణాలు కురిపిస్తూనే దొరికిన వాణ్ణి దొరికినట్లుగా నేలకొరిగిపోయేలా చేస్తూ అమ్మాయిల దగ్గరికి చేరుకున్నాను . చూస్తే జాతరలో చూసిన అమ్మాయిలే ……. ముఖం ముసుగులో ఉన్న అమ్మాయిని మధ్యలో ఉంచుకుని తమ ప్రాణాలకు తెగించి కాపాడుతున్నారు . క్షణాలపాటు అలా చూస్తుండిపోయాను . అంతలో ఒకడు వెనకనుండి పొడవడానికి రావడం చూసి వీరా అంటూ అడ్డుగా వచ్చింది మహి ……. మహిని చుట్టేసి తిరిగాను – వీపులో కత్తిదిగింది , అమ్మా …… అంటూ నొప్పిని భరిస్తూ మహిని అమ్మాయిల చెంతకు చేర్చాను . పొడిచిన వ్యక్తిని ఒక్కదెబ్బతో కొండ పాదాలదగ్గరకు చేరేలా చేసాను . మహీ ……. మీకేమీ కాలేదు కదా నాతోపాటు రండి – ఇంతకూ ఎవరు వీళ్ళు ? . ఒక అమ్మాయి : బందిపోట్లు – మహిని ఎత్తుకుపోవడానికి వచ్చారు . అంతలో ఎవర్రా మీరు ….. , నిన్న జాతరలో ఎవడో వీరాధివీరుడట – ఇప్పుడేమో నువ్వు , ఇంతమందిమి ఉన్నా ఏమాత్రం భయపడకుండా ఒక్కడివే ఎదురు నిలిచి పోటు పడినా రక్తం కారుతున్నా వాళ్ళను రక్షించాలని చూస్తున్నావు . నెలల తరబడి ప్రణాళిక రచించి ఎట్టకేలకు మా రోజు వచ్చిందని సంతోషపడుతుంటే అడ్డుపడుతున్నావు , నీకొక అవకాశం ఇస్తున్నాము వెంటనే వాళ్ళను మాకు అప్పగించి ప్రాణాలు కాపాడుకో లేదా ……. ఊహూ ……. నా ప్రాణాలైనా వదిలేస్తాను కానీ వీళ్ళను రక్షించకుండా వెళ్లను . వీరా …… వెళ్లిపో అంటూ మహి వచ్చి రక్తం కారకుండా చేతులను అడ్డుపెట్టింది – మాకోసం మీ ప్రాణాలమీదకు తెచ్చుకోకండి వీళ్ళు రాక్షసులు ……. మహీ …… ” వీరా ” అని పిలిచావుకదా , వదిలి వెళ్ళిపోతే వీరుడిని ఎలా అవుతాను నువ్వు వెనుకకువెళ్లు అని పంపించి కిందపడిన కత్తిని అందుకుని రెండు కత్తులతో అడ్డుగా నిలబడ్డాను . అన్నా …… గుర్తుకొచ్చింది నిన్నటి వీరాధివీరుడు ఇతడే – దగ్గర నుండి చూసాను అంటూ ఒక బందిపోటు గుసగుసలాడాడు . బందిపోటు నాయకుడు : ఆ వీరాధివీరుడువి నువ్వేనన్నమాట , ఏనుగు – దున్నపోతులకు మందుపెట్టి అందరి దృష్టి మరల్చి వీళ్ళను ఎత్తుకుపోదామనుకుంటే మొత్తం నాశనం చేసావు . మహీ మహీ …… అంటూ అమ్మాయిలంతా భయపడుతున్నారు . బందిపోటు దొంగ : ఇప్పుడెలా రక్షిస్తావో చూస్తాను , రేయ్ ముందు వీడిని చంపేయ్యండి – వీడి చావు ఎలా ఉండాలంటే మనమంటే రాజ్యాలన్నీ భయపడాలి , దాడి చెయ్యండి . మా గురువుగారు మీలాంటి రాక్షసుల గురించి చెప్పి నన్ను తయారుచేసి పంపించారు – మీ ప్రాణాలను తియ్యను కానీ లేవకుండా చేస్తాను అంటూ చుట్టుముట్టిన వాళ్ళందరినీ క్షణాలలో కూల్చేశాను , రేయ్ ఇక మిగిలింది నువ్వే …….. బందిపోటు నాయకుడు : నీ వీరత్వాన్ని తక్కువగా అంచనావేశాను ఇప్పుడుచూడు అంటూ ఒక ఈల వేసాడు . కొండకు మూడువైపుల నుండీ పదులసంఖ్యల్లో రాక్షసుల్లాంటి బందిపోట్లు చుట్టుముట్టారు . మహి : వీరా వీరా అంటూ నావైపుకు రాబోయింది . చేతితో సైగచేసి ఆపాను . బందిపోటు నాయకుడు : రాక్షస నవ్వులు నవ్వి , చంపేయ్యండి అంటూ సైగచేశాడు. మూడువైపుల నుండీ నామీదకు దూకుతున్న వాళ్ళను ఎదుర్కొంటున్నాను . అంతలో కృష్ణగాడు జతకలిసి కొడుతుంటే కిందకు పడిపోతున్నారు . ఇంత ఆలస్యమా మిత్రమా ……. నా అవసరం లేదనిపించింది వీరా అంటూ సైగలుచేశాడు . అమ్మాయిలను చూసుకో మిత్రమా …… సరేనన్నట్లు వెళ్ళాడు . బందిపోటు నాయకుడు : రేయ్ వాడు చంపడు కాబట్టి దైర్యంగా అందరూ కలిసి వాడిని పట్టుకోండి ( పాతికమందికి పైగా కలిసి కష్టపడి కదలకుండా పట్టుకున్నారు పిడిగుద్దులు గుద్దుతున్నారు ) – వీడు ఉండగా వాళ్ళను అపహరించి మన గమ్యాన్ని చేరడం అసాధ్యం – అలాగే గట్టిగా పట్టుకోండి చంపకండి రేయ్ నీ ముందే వీళ్ళను చంపి నిన్నూ మట్టుపెడతాను . అది జరగనివ్వను , స్త్రీలు – పిల్లలు దేవతలతో సమానం అని గురువుగారు ఉపదేశించారు , నేను ప్రాణాలతో ఉండగా అది అసాధ్యం , నా ప్రాణాలర్పించయినా కాపాడుతాను , మిత్రమా …… వారిని జాగ్రత్తగా వారి గమ్యానికి చేర్చు – ” హారహారమహాదేవ ” ……. అంటూ దిక్కులు పిక్కటిల్లేలా ఘీంకరించి నన్ను పట్టుకున్న పాతికమందితో అమ్మాయిలవైపు వెళుతున్న బందిపోటు నాయకుడి వైపుకు వేగంగా కదిలి అందరమూ లోయలోకిపడిపోయేలా దూకేసాను . వీరా …… అంటూ మహి ప్రాణమైన పిలుపు – మిత్రుడి అరుపులు వినిపించి పెదాలపై చిరునవ్వులతో అత్యంత ఎత్తునుండి ప్రవాహంలోకి పడిపోయాను . Like 224 Dislike 28 130843 26 0 cookie-check జనం మెచ్చిన రాజు – Part 4 no